بلوچستان میں شدید مون سون بارشوں کی پیشگوئی، ندی نالوں میں طغیانی کا خدشہ

اسلام آباد (ویب ڈیسک): پاکستان محکمہ موسمیات نے بلوچستان کے متعدد اضلاع میں تیز ہواؤں اور گرج چمک کے ساتھ مزید شدید مون سون بارشوں کی پیشگوئی کرتے ہوئے تمام متعلقہ اداروں اور انتظامیہ کو ہائی الرٹ رہنے کی ہدایت جاری کر دی ہے۔

محکمہ موسمیات کی تازہ ترین رپورٹ کے مطابق، مون سون ہوائیں اور مغربی موسمی سلسلہ ایک ساتھ صوبے کے شمال مشرقی، مشرقی اور جنوبی علاقوں پر اثر انداز ہو رہے ہیں، جس کے باعث اگلے چند روز کے دوران صوبے کے وسیع حصے میں موسلادھار بارشیں متوقع ہیں۔

متاثرہ اضلاع اور بارشوں کی شدت

محکمہ موسمیات کے مطابق مندرجہ ذیل اضلاع میں گرج چمک کے ساتھ بارش اور چند مقامات پر شدید موسلادھار بارش کا امکان ہے:

شمالی و مشرقی اضلاع: ژوب، شیرانی، بارکھان، موسیٰ خیل، لورالائی، سبی، کوہلو، زیارت اور قلات۔

جنوبی و ساحلی اضلاع: خضدار، نصیر آباد، جعفر آباد، صحبت پور، ڈیرہ بگٹی، لسبیلہ، آواران، تربت، کیچ، پنجگور اور گوادر۔

سیلابی صورتحال اور اربن فلڈنگ کی تنبیہ

حفاظتی الرٹ:

ندی نالوں میں طغیانی: شدید بارشوں کے باعث پہاڑی اور مقامی ندی نالوں میں طغیانی کا شدید خدشہ ہے۔

اربن فلڈنگ: نشیبی علاقوں اور شہری مراکزمیں پانی جمع ہونے کے باعث فلڈنگ کی صورتحال پیدا ہو سکتی ہے۔

انتظامیہ اور شہریوں کے لیے اہم ہدایات

محکمہ موسمیات نے تمام صوبائی و ضلعی انتظامی اداروں کو پیشگی حفاظتی اقدامات مکمل کرنے کی ہدایت کی ہے۔ مزید برآں:

شہریوں اور سیاحوں کو غیر ضروری سفر، خاص طور پر پہاڑی اور ندی نالوں کے قریبی علاقوں کا سفر کرنے سے گریز کی ہدایت کی گئی ہے۔

مسافروں کو سفر شروع کرنے سے قبل موسمی صورتحال سے متعلق تازہ ترین معلومات حاصل کرنے کا مشورہ دیا گیا ہے