قلات میں دستی بم حملہ، چار راہگیر زخمی، سیکیورٹی فورسز کا سرچ آپریشن شروع

قلات( بلو چستان خبر) کلی پندرانی کے علاقے میں نامعلوم موٹر سائیکل سواروں کی جانب سے سڑک پر دستی بم پھینکے جانے کے نتیجے میں چار راہگیر شدید زخمی ہو گئے۔واقعے کے فوراً بعد زخمیوں کو طبی امداد کے لیے ڈی ایچ کیو اسپتال منتقل کر دیا گیا۔ پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔پولیس حکام کے مطابق دھماکے کی نوعیت اور محرکات کا تعین کیا جا رہا ہے جبکہ فرار ملزمان کی تلاش کے لیے کارروائی جاری ہے۔