نوحصار اور پنجپائی آپریشن کے شہداء کی نمازِ جنازہ ادا

نوحصار اور پنجپائی آپریشن کے شہداء کی نمازِ جنازہ ادا

کوئٹہ: نوحصار اور پنجپائی کے علاقوں میں دہشت گردوں کے خلاف کارروائی کے دوران شہید ہونے والے سی ٹی ڈی اہلکاروں کی نمازِ جنازہ ادا کر دی گئی۔

نمازِ جنازہ میں رکن صوبائی اسمبلی Zarak Mandokhail، حکومت بلوچستان کے ترجمان برائے داخلہ Babar Yousafzai، ڈی آئی جی سی ٹی ڈی، ڈی آئی جی کوئٹہ عمران شوکت، اے ٹی ایف افسر اعجاز احمد گورایا، کمانڈنٹ پولیس ٹریننگ سینٹر ڈاکٹر فرحان زاہد، ڈی آئی جی اسپیشل برانچ علاؤالدین کاکڑ، ایس ایس پی آپریشنز آصف خان سمیت دیگر اعلیٰ حکام اور شہداء کے اہلخانہ نے شرکت کی۔

تقریب کے دوران شہداء کے درجات کی بلندی کے لیے خصوصی دعائیں کی گئیں جبکہ شرکاء نے غمزدہ خاندانوں کے ساتھ اظہارِ یکجہتی اور تعزیت بھی کی۔

حکام نے کہا کہ دہشت گردی کے خلاف جنگ میں شہداء کی قربانیاں ہمیشہ یاد رکھی جائیں گی اور ان کی بہادری کو خراجِ تحسین پیش کیا گیا۔

تقریب کے شرکاء کا کہنا تھا، “ہمارے شہداء ہمارا فخر ہیں۔”