بلوچستان: ایف سی نے 24 اضلاع میں 181 فری خدمت مراکز قائم کر دیے
Oct 23, 2026|ویب ڈیسک
فرنٹیئر کور (ایف سی) بلوچستان نے صوبے کے 24 اضلاع میں شاہراہوں اور دور دراز مقامات پر عوام کی سہولت کے لیے فری خدمت مراکز قائم کر دیے۔
ان مراکز پر شہریوں اور مسافروں کو پینے کا صاف ٹھنڈا پانی، ابتدائی طبی امداد، گاڑیوں و موٹر سائیکلوں کی ضروری مرمت اور ہنگامی ٹیلی فون سمیت دیگر بنیادی سہولیات بالکل مفت فراہم کی جا رہی ہیں۔
مقامی بلوچی اور پشتون روایات کے احترام کو یقینی بناتے ہوئے مخصوص مراکز پر لیڈی سولجرز بھی تعینات کی گئی ہیں تاکہ خواتین کو باوقار اور پرسکون ماحول میں فوری مدد اور رہنمائی میسر آ سکے۔
رواں ماہ اکتوبر میں فعال کیے گئے ان 181 خدمت مراکز سے اب تک مقامی آبادی اور مسافروں کی ایک بڑی تعداد مستفید ہو چکی ہے۔