بلوچستان میں تعلیمی مہم تیز، 3700 اسکول بحال، ایک لاکھ بچوں کا داخلہ

کوئٹہ( بلو چستان خبر)حکومت بلوچستان نے صوبے میں تعلیمی بہتری کے لیے اہم پیش رفت کرتے ہوئے تین ہزار سات سو سے زائد بند اسکول دوبارہ کھول دیے جبکہ ایک لاکھ کے قریب بچوں کو اسکولوں میں داخل کر لیا گیا ہے۔وزیر اعلیٰ میر سرفراز بگٹی نے وزیر تعلیم راحیلہ حمید درانی اور دیگر اعلیٰ حکام کے ہمراہ وزیر اعلیٰ سیکرٹریٹ میں منعقدہ تقریب سے خطاب کرتے ہوئے جاری داخلہ مہم کے نتائج پر روشنی ڈالی۔حکام کے مطابق بند اسکولوں کی بحالی صوبے میں تعلیمی خلا کو کم کرنے کی جانب ایک اہم قدم ہے، جس سے ہزاروں بچوں کو دوبارہ تعلیم حاصل کرنے کا موقع ملا ہے۔وزیر اعلیٰ نے بتایا کہ بارہ ہزار سے زائد اساتذہ کو مکمل میرٹ کی بنیاد پر بھرتی کیا گیا ہے، جو ماضی کے برعکس شفافیت کی جانب ایک اہم پیش رفت قرار دی جا رہی ہے۔