اسرائیل سے براہِ راست مذاکرات گناہ ہیں، ہتھیار نہیں ڈالیں گے: حزب اللّٰہ

بیروت( مانیٹرنگ ڈیسک) لبنان کی تنظیم حزب اللّٰہ کے سربراہ نعیم قاسم نے کہا ہے کہ اسرائیل کے ساتھ براہِ راست مذاکرات کو وہ قطعی طور پر مسترد کرتے ہیں اور ان کے مطابق ایسے مذاکرات لبنان کو غیر مستحکم کر سکتے ہیں۔غیر ملکی خبر رساں ادارے کے مطابق اپنے بیان میں نعیم قاسم نے کہا کہ اسرائیل کے ساتھ بات چیت کو گناہ تصور کرتے ہیں اور اس کے بجائے بالواسطہ مذاکرات کا راستہ اختیار کیا جانا چاہیے۔انہوں نے مزید کہا کہ مزاحمت جاری ہے اور مضبوط رہے گی، اسے شکست نہیں دی جا سکتی۔ ان کے مطابق تنظیم اپنے ہتھیار نہیں ڈالے گی اور لبنان اور اس کے عوام کے دفاع کے لیے جدوجہد جاری رکھے گی، چاہے دشمن کی جانب سے کتنی ہی دھمکیاں کیوں نہ دی جائیں۔