اسلام آباد: ڈپٹی چیئرمین سینیٹ سیدال خان نے مختلف سیاسی، سماجی اور صحافتی شخصیات کے اہلِ خانہ کے انتقال پر گہرے دکھ اور افسوس کا اظہار کرتے ہوئے سوگوار خاندانوں سے دلی ہمدردی اور تعزیت کا اظہار کیا ہے۔
اپنے ایک بیان میں ڈپٹی چیئرمین سینیٹ نے میر باز محمد خان کھیتران کی والدہ کے انتقال پر افسوس کا اظہار کرتے ہوئے مرحومہ کے درجات کی بلندی اور اہلِ خانہ کے لیے صبرِ جمیل کی دعا کی۔
سیدال خان نے سینئر صحافی جاوید رحمان کے والد کے انتقال پر بھی دلی تعزیت کا اظہار کیا اور مرحوم کی مغفرت و بلندی درجات کے لیے دعا کرتے ہوئے کہا کہ وہ غمزدہ خاندان کے دکھ میں برابر کے شریک ہیں۔
دریں اثنا سابق سینیٹر فتح محمد حسنی نے ڈپٹی چیئرمین سینیٹ سیدال خان سے ملاقات کر کے ان کی بھابھی کے انتقال پر تعزیت کی۔ اس موقع پر مرحومہ کے ایصالِ ثواب کے لیے فاتحہ خوانی کی گئی اور اہلِ خانہ کے لیے صبر و استقامت کی دعا کی گئی۔