بھارتی فوج کا ہر محاذ پر زوال: خودکشیاں، تربیتی حادثات اور اسلحہ چوری نے نااہلی بے نقاب کردی

بھارتی فوج کا ہر محاذ پر زوال: خودکشیاں، تربیتی حادثات اور اسلحہ چوری نے نااہلی بے نقاب کردی

​نئی دہلی: بھارتی فوج کو میدانِ جنگ کے ساتھ ساتھ اندرونی نظم و ضبط، ناکافی تربیت اور سیکیورٹی پروٹوکولز کی سنگین خلاف ورزیوں جیسے بدترین چیلنجز کا سامنا ہے۔ مبصرین اور مقامی ذرائع ابلاغ کے مطابق سیاسی ایجنڈے کے زیرِ اثر فورسز کی پیشہ ورانہ کارکردگی، بنیادی ڈھانچے اور جوانوں کی ذہنی صحت پر اٹھنے والے سوالات نے بھارتی سیکیورٹی اپریٹس کی نااہلی کو مکمل طور پر بے نقاب کر دیا ہے۔

اندرونی خلفشار، ذہنی دباؤ اور خودکشی کے بڑھتے واقعات

​بھارتی میڈیا رپورٹس کے مطابق فوجیوں کی فلاح و بہبود اور بنیادی مسائل کے حل میں بدترین ناکامی نے جوانوں کو مایوسی کی دلدل میں دھکیل دیا ہے۔ سینٹرل ریزرو پولیس فورس (سی آر پی ایف) سے لے کر ریٹائرڈ اہلکاروں تک، انتظامی لاپرواہی کی واضح علامات سامنے آ رہی ہیں۔

دستاویزات اور میڈیا رپورٹس کے شواہد

​سابق فوجیوں کی بے بسی: بھارتی جریدے انڈیا ٹوڈے کے مطابق سابق فوجی شیوانند ریڈی نے زمین کی الاٹمنٹ کے تنازع میں 20 سالہ قانونی جدوجہد کے بعد دلبرداشتہ ہو کر خودکشی کی کوشش کی۔

​سی آر پی ایف میں خودکشیاں: دی نیو انڈین ایکسپریس کی رپورٹ کے مطابق صرف گزشتہ سال شدید ذہنی دباؤ اور مایوسی کے باعث سی آر پی ایف کے 59 اہلکاروں نے اپنی زندگیوں کا خاتمہ کیا۔

ناقص تربیتی معیار اور سیکیورٹی تنصیبات میں سیندھ

​تربیتی مشقوں کے دوران حفاظتی تدابیر کے فقدان اور حساس فوجی اڈوں کی ناقص سیکیورٹی نے بھارتی افواج کے آپریشنل معیار پر سنگین سوالیہ نشان ثبت کر دیے ہیں۔

کلیدی واقعات اور آپریشنل خامیاں

​ہریانہ میں تربیتی حادثہ: نیوز 18 کی رپورٹ کے مطابق ہریانہ میں تربیتی مشق کے دوران کشتی میں تکنیکی خرابی کے باعث 5 فوجی دریا کے تیز بہاؤ میں بہہ گئے، جن میں سے 2 اہلکار تاحال لاپتہ ہیں۔

​سکندرآباد اسلحہ چوری: جریدے دی ہندو کے مطابق سکندرآباد میں نامعلوم ملزمان نے ہائی سیکیورٹی زون میں داخل ہو کر چار رائفلیں اور دیگر ہتھیار چرا لیے، جس نے سیکیورٹی نظام کی قلعی کھول دی۔