واشنگٹن( مانیٹرنگ ڈیسک)چین نے وائٹ ہاؤس کورسپونڈینٹس ڈنر کے دوران پیش آنے والے فائرنگ کے واقعے کی مذمت کی ہے۔غیر ملکی خبر رساں ادارے کے مطابق چینی وزارتِ خارجہ کے ترجمان لن جیان نے واقعے پر ردعمل دیتے ہوئے کہا ہے کہ چین اس فائرنگ کے واقعے پر نظر رکھے ہوئے ہے اور ہر قسم کی غیر قانونی اور پرتشدد کارروائیوں کی مخالفت کرتا ہے۔واضح رہے کہ ہفتے کی شب واشنگٹن میں ہونے والے صحافیوں کے سالانہ عشائیے کے دوران فائرنگ کے واقعے کے بعد امریکی صدر ڈونلڈ ٹرمپ اور خاتونِ اوّل کو فوری طور پر محفوظ مقام پر منتقل کیا گیا تھا۔ واقعے میں ایک پولیس افسر زخمی ہوا تاہم بعد میں اس کی جان بچا لی گئی۔میڈیا رپورٹس کے مطابق حملہ آور کو کول ٹوماس ایلن کے نام سے شناخت کیا گیا ہے جسے موقع پر گرفتار کر لیا گیا۔
