مستونگ ( بلو چستان خبر)مستونگ کے علاقے صدیق آباد میں نامعلوم مسلح افراد نے کیسکو کے عملے پر حملہ کر کے انہیں یرغمال بنا لیا اور سرکاری گاڑیاں چھین کر فرار ہو گئے۔ضلعی انتظامیہ کے مطابق مسلح افراد نے کارروائی کے دوران ٹرک، کرین اور پک اپ گاڑی اپنے قبضے میں لے لی اور موقع سے فرار ہو گئے۔واقعے کی اطلاع ملتے ہی پولیس اور سکیورٹی فورسز کی بھاری نفری موقع پر پہنچ گئی اور علاقے کو گھیرے میں لے کر ملزمان کی گرفتاری کے لیے سرچ آپریشن شروع کر دیا گیا ہے۔حکام کا کہنا ہے کہ ملزمان کی تلاش جاری ہے اور انہیں جلد گرفتار کر کے قانون کے کٹہرے میں لایا جائے گا۔
