عصمت اللہ خان

ڈاکٹر عصمت اللہ خان ممتاز ماہرِ تعلیم، محقق، میڈیا پروفیشنل اور اسٹریٹجک امور کے تجزیہ کار ہیں۔ وہ نیشنل ڈیفنس یونیورسٹی (NDU)، اسلام آباد سے بین الاقوامی تعلقات میں پی ایچ ڈی کے حامل ہیں اور عصرِ حاضر کے سکیورٹی و اسٹریٹجک مطالعات کے شعبے میں نمایاں مقام رکھتے ہیں وہ پی ٹی وی کے اینکر پرسن اور نمل یونیورسٹی کے وزٹنگ فیکلٹی ممبر کے طور پر خدمات انجام دے چکے ہیں۔ دہشت گردی، بلوچستان میں انتہاپسندی کے رجحانات، قومی سلامتی، نوجوانوں کی شمولیت اور میڈیا ڈسکورس کی تشکیل ان کے خصوصی تحقیقی موضوعات ہیں۔ ڈاکٹر عصمت اللہ خان کے 28 تحقیقی مقالات ایچ ای سی سے تسلیم شدہ جرائد میں شائع ہو چکے ہیں۔ غیر روایتی سکیورٹی امور پر ماسٹر ٹرینر کی حیثیت سے بھی ان کی خدمات نمایاں ہیں۔ تعلیم اور تحقیق کے شعبے میں گراں قدر خدمات کے اعتراف میں انہیں وزیراعلیٰ بلوچستان ایوارڈ سے بھی نوازا جا چکا ہے۔ اپنی علمی بصیرت، تحقیقی مہارت اور پالیسی امور پر گہری گرفت کے باعث ان کا شمار بلوچستان اور قومی سطح پر اہم رائے سازوں اور سکیورٹی امور کے معتبر تجزیہ کاروں میں ہوتا ہے۔